|
Gvidlibro
BEK1
Paĝo 1
Celo: esti kapabla fari simplan dialogon,
ekkoni la pronomojn, lerni saluti per tempesprimo, ekkoni samkursanojn.
Kromlerniloj: neniu kromlerniloj, nur BEK1 libro.
Tempodaŭro:
inter 10 kaj 20 minutoj, depende de la gekursanoj.
Komento: Ĉi tiu leciono ne estas tipa
BEKekzerco, sed ĝi estas tre grava, ĉar ĝi permesas al la gekursanoj dekomence
paroli Esperanton rekte kaj sen traduke. Ankaŭ la ekzerco
havas grava socian rolon, ĉar per ĝi la gekursanoj komencas ekkoni la
aliajn partoprenantojn de la grupo.
Metodo: la ĉefa afero, kiel ĉiam en la
BEKkurso, estas unue instrui, kaj poste praktiki, kaj la praktikado
kutime devas daŭri longtempe por doni al la gelernantoj sufiĉan tempon
por alproprigi la gramatikaĵojn kaj vortojn.
Se vi konas la klasikan rektan metodon aŭ la Cseh metodon, des pli bone. Vi scias, ke vi povos aktori iomete kaj
tiel instrui en bona etoso la konceptojn kaj vortojn. Se vi scias
nur traduki, kaj ne havas sperton kiel instruanto, vi povas ankaŭ fari
tion, sed ne uzu tro da tempo tradukante. Iru kiel eble plej baldaŭ aŭ la
praktikado. Rememoru, la plej parto de la BEKkurso estas la
praktikado, ne la instruado.
Ĉiaokaze vi povos provi la sekvantan
instrumanieron:
Unue diru Bonan matenon al la tuta grupo.
Kaj montru al ili, ke ili ankaŭ diru Bonan matenon al vi.
Poste, diru Bonan matenon al unu el la gekursanoj, kaj atendu, ke
ŝi aŭ li diros samon al vi.
Due, donu vian nomon dirante: Mi nomiĝas
Dennis (uzu vian nomon, ne mian, kompreneble!) Parolu klare, kun
gestoj, kaj sufiĉe malrapide, ĉar ne forgesu, ke ili estas komencantoj,
kaj unu principo de la BEKkurso estas, ke la instruanto plejparte ĉiam
klopodas komprenigi tion, kion li aŭ ŝi diras.
Trie, diru Kaj vi? Maria? Johano? Pablo?
ktp. Se iu diras nur Pablo. Diru al ili: Mi
nomiĝas Pablo. Ripetu! Vi petas, ke ili uzu kompletan
frazon, ĉar celo de la BEKkurso estas unue lerni diri ion komplete, kaj
post la BEKkurso kaj la lernado de la gramatiko, ili povos uzi pli
simplajn frazojn.
Ne forgesu, ke alia principo de BEK estas, ke
la lernanto mem diru aŭ rediru la ĝustan, korektitan frazon. Tio
ankaŭ estas principo de la klasika rekta metodo.
Kvare, la frazo Kiel vi nomiĝas estas
logika sekvo de Mi nomiĝas Dennis, ĉar nun vi povas fari tiun
demandon, ĉar ili lernis jam la vortojn de la respondo. Do
demandu al kelkaj gelernantoj, kaj eble petu, ke ili demandu unu al al
alia. Vi povas farigi tion, dirante: Pablo, demando al Petro:
Kiel. . . .
Kvine, montru kelkajn respondojn al la demando
Kiel vi fartas? Vi povas aktori, montrante la frazojn ĉe
la suba parto de la unua leciono, nome, Mi fartas tre tre bone (kur
granda rideto sur la
vizaĝo). Mi fartas malbone (kun malrideto sur la vizaĝo,
kaj la manoj sur la ventro kvazaŭ vi havus stomakdoloron). Ktp.
Sese, nun,ke la gelernantoj komprenas la
plejparton de la unualeciona dialogo, vi povos eble klarigi la lastaj
nekonatajn vortojn traduke. Ekzemple: Ĝis la revido, ankaŭ, kaj. ktp. Mi mi instruus angle, mi dirus la sekvanton:
ankaŭ
means also, kaj means and. Alia principo de la BEKkurso estas, ke
se utile, vi povos rapide klarigi nacilingve. Kutime unuvortan
tradukon sufiĉas, spertaj instruantoj scias, ke pli longa klarigo povas
kaŭzi konfuzon.
Nun, invitu al la gekusanoj, ke ili praktiku la
dialogon kun aliaj en la klasĉambro. Rekomendu, ke ili ekkonu ĉiujn se estas malgranda grupo. Kuraĝigu al ili, ekprovi la
dialogon sen rigardi ĉiam la paperon. Finfine la celo estas lerni
uzi tiajn frazojn.
Fine, rapide iri al la sekvanta leciono post
kiam la gelernantoj sufiĉe praktikis la lernotahon.
Iru al la sekvanta leciono, BEK1, Leciono 2
Supren |
