|
BEK1
Parolekzerco 10
Kio,
Celo,
Novaj Esprimoj,
Daŭro,
Preparado,
Instrua Ciklo,
Modelo,
Konsilo
Kio:
Parolekzerco 10, post leciono 19, paroli
pri la kvar bildoj: Petro, Maria, Paŭlo, la tramoj.
Supren
Celo:
Ankoraŭfoje priskribi agojn, utiligante
simplajn verbojn.
Supren
Novaj Esprimoj:
Neniom.
Supren
Minimuma Daŭo:
Ĉiu lernanto devas uzi minimume 30 sinsekvajn frazojn sentraduke.
Supren
Preparado kaj Antaŭkondiĉoj:
La gekursanoj havas, antaŭ si, la
bildojn de lecionoj 18 kaj 19. Se ili uzas siajn librojn, ili
kovras la tekston, kaj nur uzas la bildojn por paroli.
Supren
Instrua Ciklo:
Unue, kiel kutime, la kursgvidanto
faras modelon.
Due, la kursgvidanto invitas unu
lernanton fari la parolekzecon antaŭ ĉiuj.
Trie, la gekursanoj faras la
parolekzercon en siaj grupetoj.
Kvare, rondirante inter la grupetoj, la
kursgvidanto kontrolas, ke ciu lernanto faru la taskon sukcese.
Supren
Ebla Modelo:
Sur la oka bildo estas Petro.
Petro ne legas. Li ne parolas. Li ne skribas. Li ne pensas.
Li dormas. Li ne dormas sur seĝo. Li dormas sur lito.
Lia lito ne estas bona. Ĝi estas tro mallonga. Petro ne
dormas dum la tago. Li dormas dum la nokto. Liaj okuloj ne
estas malfermitaj. Ili estas fermitaj. Tiu estas Maria, kaj
tiu estas Paŭlo. Maria sidas. Paŭlo staras. Maria
estas virino, kaj Paŭlo estas viro. Ili ridetas. Maria amas
lin. Li amas ŝin. Paŭlo amas ŝin multe. Jen bildo
kun tramoj. Estas kvar tramoj. Du tramoj venas. Unu
tramo iras (foriras). La personoj atendas la tramojn. Ankaŭ
Mupi atendas. Estas du personoj en tramo tri. Estas kvin en
tramo kvar. Kvin personoj estas en la haltejo. Ili ne
atendas trajnon. Ili atendas tramon. Ne estas tramoj en mia
urbo. Estas aŭtobusoj. Mi ne kutime veturas per aŭtomobilo.
Mi veturas per biciklo.
(entute, 38 frazoj).
Supren
Konsilo:
Kiel por la plejparto de la parolekzercoj, ne estas bezonate fari la
parolekzercon tuj post la rilata paĝo. La ĝusta momento dependas
de la ritmo de via kurso, se ĝi estas intensiva aŭ ne, ktp.
Tamen ni ne povas fari la parolekzercon antaŭ la koncernaj
lecionoj ĉar, por libere paroli, oni devas jam havi la ideojn
esprimotajn en la kapo.
Supren |
