|
BEK1
Parolekzerco 16
Kio,
Celo,
Novaj Esprimoj,
Daŭro,
Preparado,
Instrua Ciklo,
Modelo,
Konsilo
Kio:
Parolekzerco 16, Ĉi tiu parolekzerco sekvas lecionon 30 en la
lernolibro. Paroli pri ŝatoj, kaj preferoj.
Supren
Celo:
Paroli longtempe pri tio, kio plaĉas
al vi, uzante ne nur la vortojn plaĉi kaj ŝati, sed ankaŭ libere
utiligante ĉiujn ideojn kiuj spontane venas en la menson de la lernanto.
Supren
Novaj Esprimoj:
Eble rapide mencii la vorton "preferi"
sed ne uzu ĉi tie la komparon ĉar tio estos lernita en posta leciono
en BEKdu.
Supren
Minimuma Daŭro:
Ĉiu lernanto devas uzi almenaŭ 30 sinsekvajn frazojn.
Supren
Preparado kaj Antaŭkondiĉoj:
Substreku, ke dum la ekzerco la
gekursanoj povas kunligi la ideon de ŝato kun priskriboj. Vidu la
modelon sube.
Supren
Instrua Ciklo:
Kiel ĉiam. Modelo de la
kursgvidanto. Provo de unu lernanto. Gruplaboro.
Kontrolado.
Supren
Modelo:
Al mi plaĉas ludi muzikan
instrumenton. Mi havas pianon. Ĝi estas en la angulo de mia
ĉambro. Mi ofte praktikas. Mi pensas, ke la muziko de
Mozarto estas tre bela. Mi ŝatas Mozarton, ĉar liaj komponaĵoj
estas tre belaj. Mi ŝatas aŭskulti kompaktdiskojn ankaŭ.
Mi havas tutan kolekton da muziko de ĵazo. Ĝi plaĉas al mi.
Mi ne ludas ĵazon, sed mi aŭskultas ĝin multe. Mi pensas, ke la
ĵazmuziko el Usono estas tre interesa. Mi ŝatas sportojn ankaŭ.
Antaŭ dek jaroj mi ludis futbalon multe. Ludi semajnfine plaĉis
al mi. Nun mi ne havas multe da tempo, sed mi ŝatas rigardi
matĉojn de futbalo en la televido. Hieraŭ mi rigardis la teamojn
de Anglio kaj Pollando. Pollando gajnis. Anglio perdis, ĉar
ili ludis tro malrapide. Eble Anglio gajnos kontraŭ Germanio en
la venonta semajno. Ni vidos. Eble jes, kaj eble ne.
Mi opinias, ke la du teamoj estas tre bonaj. Persone, mi preferas
Anglion, ĉar mi estas Londonano! Pri trinkaĵoj, al mi plaĉas
trinki kafon. Mi preferas kafon kun lakto, sed sen sukero.
Hieraŭ mi iris al kafejo. Mi volis trinki kafon, sed la kafilo ne
funkciis, do mi mendis teon. La teo estis bongusta, ĉar ĝi estas
luksa teo el Ĉinio. Mi mendis ankaŭ kukon, kaj mi manĝis ĝin
kun la teo. Mi pagis du eŭrojn. Mi pensas, ke tio estas tre
bona prezo.
(Entute: 43 frazoj)
Supren
Konsilo:
Kuraĝigu al viaj gekursanoj paroli pli kaj pli libere dum la
parolekzercoj. Ili povas enmeti ĉion, kion ili deziras. La
celo ĉe la fino de BEKunu estas esti kapabla paroli almenaŭ 50 frazojn
sinsekve, sentraduke, pri ĉiutagaj aferoj.
Supren |
