|
BEK1
Parolekzerco 17
Kio,
Celo,
Novaj Esprimoj,
Daŭro,
Preparado,
Instrua Ciklo,
Modelo,
Konsilo
Kio:
Parolekzerco 17, Ĉi tiu parolekzerco egalas lecionon 38 en la
lernolibro BEKunu.
Supren
Celo:
Paroli pri tio, kion la lernanto faris
en tempordo.
Supren
Novaj Esprimoj:
En la libro, leciono 38.
Supren
Minimuma Daŭro:
Ĉiu lernanto devas uzi almenaŭ 30 sinsekvajn frazojn.
Supren
Preparado kaj Antaŭkondiĉoj:
Substreku, ke dum la ekzerco la
gekursanoj povas aldoni aliajn pensojn, sekvante la tempordon. Ili
povas rigardi iomete la paĝon 33 se ili havas problemojn memori la
vortojn.
Supren
Instrua Ciklo:
Kiel ĉiam. Modelo de la
kursgvidanto. Provo de unu lernanto. Gruplaboro.
Kontrolado.
Supren
Modelo:
Hieraŭ mi vekiĝis je la sepa.
Poste mi matenmanĝis. Mi manĝis panon kun butero, kaj mi trinkis
teon. La teo estis tre varma. Post la matenmanĝo, mi legis
la ĵurnalon. Ĝi ne estis tre interesa hieraŭ. Je la sepa
kaj kvardek minutoj, mi iris al la buŝaltejo. Post tio, mi prenis
buson. La buso alvenis al mia laborejo je la oka. Unu
minuton poste mi eklaboris. Mi skribis leterojn. Mi uzis la
komputilon. Mi sendis retmesaĝon al firmaoj. Mi telefonis.
Mi tajpis per la komputilo. Mi parolis kun la laborejestro.
Je la tagmezo mi manĝis. Mi manĝis sandviĉon. Mi manĝis
frukton. Mi trinkis akvon. Post la tagmanĝo mi laboris
inter la 1a kaj la 5a. Je la kvina kaj unu minuto, mi lasis la
laborejon. Poste mi iris al la vendejo kaj aĉetis fruktojn kaj
legomojn. Je la kvina kaj 20 minutoj mi reprenis la buson.
Dek minutojn pli malpli poste mi alvenis al mia loĝejo. Tiam mi
aŭskultis la novaĵojn de la radio. Je la sesa mi vespermanĝis.
Inter la sepa kaj la naŭa mi rigardis filmon de la televidilo.
Ĝi estis tre interesa. Ĝi plaĉis al mi, ĉar mi tre ŝatas
detektivajn filmojn. Poste je la deka mi legis iomete. Je la
noktomezo mi enlitiĝis. Naŭ minutojn poste mi ekdormis!
(Entute: 35 frazoj)
Supren
Konsilo:
Alifoje, kuraĝigu al viaj gekursanoj paroli pli kaj pli libere dum la
parolekzercoj. Ili povas enmeti ĉion, kion ili deziras. La
celo ĉe la fino de BEKunu estas esti kapabla paroli almenaŭ 50 frazojn
sinsekve, sentraduke, pri ĉiutagaj aferoj.
Supren |
