|
BEK1
Parolekzerco 4
Kio,
Celo,
Novaj Esprimoj,
Daŭro,
Preparado,
Instrua Ciklo,
Modelo,
Konsilo
Kio:
Parolekzerco 4, post leciono 12, paroli
pri objektoj kaj loko, singulare, plurale, kaj kvante, aldonante
adjektivojn.
Supren
Celo:
Pli detale priskribi objektojn, kaj
lerni paroli pli kaj pli longdaŭre.
Supren
Novaj Esprimoj:
Neniom
Supren
Minimuma Daŭro:
Ĉiu lernanto devas uzi minimume 30 sinsekvajn frazojn sentraduke, eĉ se li aŭ ŝi devas ripeti samajn
frazojn kelkfoje.
Supren
Preparado kaj Antaŭkondiĉoj:
La lernantoj havas la bildon sur paĝo
6 antaŭ ili.
Ili jam lernis praktikis la paĝojn
inter 1 kaj 12.
Supren
Instrua Ciklo:
Same kiel en la tri unuaj
parolekzercoj. Do unue la kursgvidanto donas parolan modelon kun
almenaŭ 20 frazoj. Poste unu lernanto faras la modelon. Poste ĉiuj
faras la modelon en siaj grupetoj.
Jen, pli detale:
Unue, per la mapo la kursgvidanto
montras la modelon (vidu sube), parolante klare kaj laŭte kaj ne tro
rapide antaŭ la gekursanoj.
Due, la kursgvidanto invitas unu
lernanton fari la parolekzecon antaŭ ĉiuj.
Trie, dum la lernanto parolas, la
instruanto faras markon sur la kurstabulon por indiki la kvanton da
frazoj.
Kvare, se bezonate, la instruanto
povas paroligi duan lernanton por pli klare montri la taskon.
Kvine, kaj plej grave, la kursgvidanto
opigas la gekursanojn en grupetojn de tri aŭ kvar kaj invitis unu
persono en ĉiu grupo rekordi la kvanton de frazoj por ĉiu lernanto.
Sese, rondirante inter la grupetoj, la
kursgvidanto kontrolas, ke ciu lernanto faru la taskon sukcese.
Supren
Modelo:
Jen bildo. Tio estas lampo.
Ĝi estas verda. Tio estas muŝoj. Ili estas nigraj.
La boteloj sur la tablo ne estas nigraj. Ili ne estas bluaj.
Ili estas ruĝaj. Estas du boteloj sur la tablo. Estas unu
botelo maldekstre de la tablo. Ĝi ne estas ruĝa. Ĝi estas
verda. En la botelo estas unu ruĝa floro. En la boteloj sur
la tablo estas unu verda floro. Sub la tablo estas katoj.
Estas kvar katoj. La nigra kato estas malgranda. La blanka
kato ne estas malgranda. Ĝi estas granda. Ĝi estas tre,
tre granda. La bruna kato estas alta kaj maldika. La malalta,
dika kato estas blanka kaj nigra. Mi ne estas dika. Mi estas
alta. Mi estas bela. Ankaŭ vi estas bela. Vi estas
alta, kaj inteligenta, Tiu estas Ramono. Li estas malalta.
Paŭlo ne estas malalta. Li estas tre alta, kaj tre maldika. ktp,
ktp. (31 frazoj).
Supren
Konsilo:
Estas la kvara parolekzerco de la BEKkurso.
En la modelo vi trovos novan
gramatikaĵon tute ne rekte instruita kiel La tasoj sur la tablo. . .
La botelo maldekstre de la tablo. . . La floroj en la glaso. . .
ktp. Vi, la instruanto, ne bezonas klarigi tiun novan
gramatikaĵon, ĉar kutime la gelernantoj nature imitos vin, kaj nature
uzos ĝin.
Ne forgesu substreki la ideon, ke la
ĉefcelo de la parolekzercoj estas paroli longdaŭre, sentraduke,
utiligante jam lernitajn gramatikaĵojn kaj vortojn por lerni flue
paroli.
Supren |
