|
BEK1
Parolekzerco 7
Kio,
Celo,
Novaj Esprimoj,
Daŭro,
Preparado,
Instrua Ciklo,
Modelo,
Konsilo
Kio:
Parolekzerco 7, Ĉi tiu parolekzerco sekvas, kompreneble, parolekzercon
6, kaj ankaŭ sekvas lecionon 15. Uzu ĝin kiam konvenas.
Supren
Celo:
Reemfazi la gravecon de la bona uzo de la gravaj formoj -A, -AJ,
-AN, -AJN, -O, -OJ, -ON, -OJN. Praktikante per kaj negativaj kaj
pozitivaj frazoj.
Supren
Novaj Esprimoj:
Neniom krom se estas nova vestaĵo en
la kursejo.
Supren
Minimuma Daŭro:
Ĉiu lernanto devas uzi ekzakte 24 sinsekvajn frazojn.
Ne pli nek malpli.
Supren
Preparado kaj Antaŭkondiĉoj:
Neniom.
Supren
Instrua Ciklo:
Parolante klare kaj relative malrapide,
la instruanto faras kompletan modelon, sekvante la ordon sur la paĝo
13. La instruanto bonvolu noti, ke estas negativaj frazoj sekvataj
de pozitivaj.
Jen, pli detale:
Unue, la kursgvidanto
montras la modelon (vidu sube), parolante klare kaj laŭte kaj ne tro
rapide antaŭ la gekursanoj.
Due, la kursgvidanto invitas unu
lernanton fari la parolekzecon antaŭ ĉiuj. Ĉi tiu ekzerco ne
estas facila, do la lernanto povas rigardi la notojn sur paĝo 13 se
bezonate.
Trie, kaj plej grave, la kursgvidanto
opigas la gekursanojn en grupetojn de tri aŭ kvar.
Kvare, rondirante inter la grupetoj, la
kursgvidanto kontrolas, ke ciu lernanto faru la taskon sukcese.
Supren
Modelo:
Mia ĉemizo ne estas blua.
Ĝi estas blanka.
Mia panalono ne estas blanka.
Ĝi estas blua.
Miaj ŝuoj ne estas nigraj.
Ili estas blankaj.
Via t-ĉemizo ne estas verda.
Ĝi estas flava.
Via ŝorto ne estas flava.
Ĝi estas blanka.
Viaj ŝuoj ne estas blankaj.
Ili estas brunaj.
Mi ne surhavas bluan ĉemizon.
Mi surhavas blankan ĉemizon.
Mi ne surhavas blankan pantalonon.
Mi surhavas bluan pantalonon.
Mi ne surhavas nigrajn ŝuojn.
Mi surhavas blankajn ŝuojn.
Vi ne surhavas verdan t-ĉemizon.
Vi surhavas flavan t-ĉemizon.
Vi ne surhavas flavan ŝorton.
Vi surhavas blankan ŝorton.
Vi ne surhavas blankajn ŝuojn.
Vi surhavas brunajn ŝuojn.
Supren
Konsilo:
Ĉi tiu ekzerco estas duoble pli longa ol la antaŭa kun -a, -an, -ajn,
ktp. Ĝi komenciĝas per negativa frazo, sekvata de pozitiva.
Do, entute estas 12 foje 2 aŭ 24 frazoj entute.
Spite al duobla longeco, multaj el viaj
gelernantoj rapide konstatos, ke ili ne bezonos duoble pli da tempo por
fini la ekzercon. Alivorte, ili ekkomencas utiligi la esperantan
akuzativon, en ĉiaj formoj, aŭtomate! Gratulu al ili pro tiu
bona antaŭenpaŝo!
Supren |
