|
BEK1
Parolekzerco 8
Kio,
Celo,
Novaj Esprimoj,
Daŭro,
Preparado,
Instrua Ciklo,
Modelo,
Konsilo
Kio:
Parolekzerco 8, post leciono 17, paroli
pri la kvar bildoj: Sinjoro Nopo, Rikardo, la ebriulo, kaj la vermo.
Supren
Celo:
Alifoje priskribi agojn, utiligante
simplajn verbojn.
Supren
Novaj Esprimoj:
Neniom.
Supren
Minimuma Daŭo:
Ĉiu lernanto devas uzi minimume 30 sinsekvajn frazojn sentraduke.
Supren
Preparado kaj Antaŭkondiĉoj:
La gekursanoj havas, antaŭ si, la
bildojn de lecionoj 16 kaj 17. Se ili uzas siajn librojn, ili
kovras la tekston, kaj nur uzas la bildojn por paroli.
Supren
Instrua Ciklo:
Unue, kiel kutime, la kursgvidanto
faras modelon.
Due, la kursgvidanto invitas unu
lernanton fari la parolekzecon antaŭ ĉiuj.
Trie, la gekursanoj faras la
parolekzercon en siaj grupetoj.
Kvare, rondirante inter la grupetoj, la
kursgvidanto kontrolas, ke ciu lernanto faru la taskon sukcese.
Supren
Ebla Modelo:
Sur la kvina bildo estas Sinjoro
Nopo. Li ne legas. Li ne parolas esperante kun mi. Li
mortigas muŝojn. Ne estas tri muŝoj. Estas kvar. Ili ne
flugas sub Sinjoro Nopo. Ili flugas super li. Sinjoro Nopo
ne havas libron en la dekstra mano. Li havas muŝbatilon. Li
mortigas la muŝojn per tre granda muŝbatilo. Rikardo ne mortigas
muŝojn. Li ne legas, kaj li ne skribas. Li fumas. Li
ne fumas cigaredon. Li fumas pipon. Lia pipo estas tre
granda. Sur la sesa bildo estas la ebriulo. Li ne fumas
pipon. Li havas botelon kaj glason. Li trinkas. Li trinkas
vinon. Li trinkas blankan vinon. Lia glaso estas malplena.
Lia botelo estas preskaŭ malplena. Li trinkas tro da vino.
Tro da vino estas malbona por la sano. Mi ne trinkas vinon.
Mi trinkas akvon. Mi trinkas multe da akvo. La vermo ne
trinkas. Ĝi manĝas. Ĝi ne manĝas panon. La vermo
manĝas pomon. Pomoj estas ruĝas, kaj verdaj, kaj flavaj.
Mi manĝas ruĝajn pomojn. Ili estas tre bonaj por la sano.
(entute, 38 frazoj).
Supren
Konsilo:
Ne forgesu, ke vi estas tute libera fari la modelon tiel, kiel vi volas.
Ne forgesu, tamen, nur utiligi jam konatajn vortojn kaj gramatikaĵojn.
Parolekzercoj ne estas por lerni novajn esprimojn, sed por lerni paroli
pli flue, sentraduke, rekte, kaj memfide. Tiu longdaŭra sperto
estas grava por viaj gelernantoj.
Supren |
